| Friday
今日夜晩去左鄔枝屋企開cell,而今次係打邊爐~
yeah!!實在太耐無打邊爐啦(唔計利士果次)~~好開心!
因為要預先入去買野,約左Dickson 2點一齊搭巴士入大埔~
估唔到其他人都咁早入到去(除左要返工果d)
買野5人組包括我,dickson,張曦,anna+鄔枝
2女人買野,3男仔拎野
街市+惠康+seven+狂掃
真係買左好多野~仲有好多生果
then 返到鄔枝屋企等埋其他人上埋黎就開始了
等緊途中，我地係度玩可樂飛行棋+膠質層層疊
多得正佑既"幫忙",我地玩飛行棋先咁"順利"~哈哈
而膠質層層疊比木質既難玩好多,緊張刺激
可惜唔夠時間玩落去,懲罰唔到人
終於打邊爐啦(15個人)~亦即代表世紀搶食大戰即將爆發
真係未試過打邊爐要搶到咁既地步= =
仲嘈過街市,瘋狂過d師奶搶平貨
而唯一既正宗師奶(鄔枝)反而無加入戰團,在旁觀戰~非常明智!!
因為呢個戰爭實在太精彩啦~在場人仕無一不捧腹大笑
可惜edith中途先加入,錯過左咁精彩既部份
打完邊爐,大家食住生果睇"向世界出發",仲有糖水..真係超飽
之後5個人就返左屋企,7個人留左係度過夜
then 又繼續玩層層疊,loser要負責洗碗
仲唔到Anna咁屎,仲諗住Winnie會輸嫁嘛
玩完成班圍住睇機械狗仔痾殊殊
因為鄔枝無悉心照顧,搞到狗仔唔聽話,唔識飲水,無殊殊出= =
唔明點解同你地一齊,好似咩都搞到好緊張刺激咁,咩都笑一餐,你地係咪癲嫁??
but i like it~!haha
張曦同winnie走左之後,1批睇破天．慌,另1批就打麻將
一打就打到第2日先訓..打到好累
Saturday
因為太累,同Alan 講左唔入佢度打多次邊爐..加上咁既狀態入屯門太辛苦了
真係十分唔好意思!
留係鄔枝到3點,之後除左阿yo,就全部團友跟鄔枝車返教會
係車度又訓死左= =太累了
返到教會,時間尚早,就同dickson去左祈禱室訓= =
訓左陣,比dickson叫醒傾左一陣野
then 落左hall 聽下佢地預備聽日既崇拜
6點就返團契嚕..好悶..好眼訓
夜晚返到去,食埋飯沖埋涼..睇左陣電視就訓
Sunday
訓死左唔識醒,11點先醒,miss左崇拜= =
食完野,,又訓過,,,咁就一日
|
